PALM BEACH, ARUBA – Juni 2020 – Recientemente Aruba Marriott a hasi un donacion di comestibel cual tabata inclui fruta, berdura, juice, pan, lechi, cuminda di bleki y diferente otro articulo nan di consumo na Fundacion Pa Nos Comunidad. Tur e articulo nan aki hunto, a suma un balor di mas di 50,000 florin.
Aruba Marriott a hasi e donacion aki pa asina aporta na Fundacion Pa Nos Comunidad y asina duna nan e sosten necesario pa por sigi yuda famia nan cu a perde nan entrada of a conoce un caida drastico di entrada durante e tempo nan aki.
Maske e hotel actualmente no ta den operacion, sigur e ta sumamente importante pa por sigi contribui na comunidad di Aruba den un forma of otro. Esaki ta parti di Marriott su cultura unda balornan manera duna bek na comunidad ta un di e aspecto nan di mas importante di e compania.
Mas di Aruba Marriott:
Aruba Marriott Resort & Stellaris Casino a habri na aña 1995 cu 411 camber y despues a añadi 3 camber mas na aña 2018. Na aña 1999 a habri Ocean Club cu 311 camber y na aña 2004 a habri Surf Club cu 900 camber. En total, e famia di Aruba Marriott ta consisti di mas o menos 1200 empleado den servicio directo. E compleho di Aruba Marriott ta esun di mas grandi den henter Caribe, tanto den cantidad di camber como den cantidad di empleado