Home » Dama lo a dal intencionalmente contra auto di su ex

Dama lo a dal intencionalmente contra auto di su ex

by Admin
0 comment 79 views
Ayo/Andicuri – Diadomingo den oranan di anochi polis di trafico a bay ariba e caminda cu ta bay di Ayo pa Andicuri, unda tin boksmento.

Segun informacion, lo ta trata di un problema di pareha cu sali lamentablemente for di man.

E mube tawata den un Nissan March y e homber den un Jeep Wrangler color geel. Parse cu e problema lo a cuminsa na Hooiberg o sea e dama tawata tras di homber cu lo no kier tin nada mas cu ne.

Pa evita problema e homber cu su Jeep lo a tuma e caminda di Ayo pa Andicuri, cu e speransa cu e muhe den e Nissan March pensa cu e lo no por core ey tras cu e March.

Pero e dama decidido y cu corahe a sigui e Jeep ariba e caminda di tera, y dado momento e la dal contra e Jeep y bay termina den mondi.

No ta conoci si ta pa malo e la bay contra e Jeep of ta berdad e la perde control.

Polis di trafico despues di a haci su investigacion lo a conclui cu ta trata di un accidente intencional, y debi na esaki a pidi pa recherche y tambe bfto. E auto no ta di e dama tampoco.

Problema cu un ex cu no kier acepta ta uno hopi fastioso.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio