Home » Kuerpo Polisial di Korsou ta informa: Vários detenshon relashoná ku entre otro atrako riba kliente di banko.

Kuerpo Polisial di Korsou ta informa: Vários detenshon relashoná ku entre otro atrako riba kliente di banko.

by Admin
0 comment 64 views

Relashoná ku e atrako brutal ku a tuma lugá djamars mainta dia 2 di yüni 2020 na un banko lokal, unda deskonosínan lo mester a dal un komersiante ku kabu di un arma di kandela i bai ku un montante grandi di plaka for di dje, polis a hasi detenshon.

Kontinuando ku e investigashon den e kaso aki, awe djaweps 4 di yüni 2020 den oranan di mainta, personal di Tim di Atrako den koperashon ku Tim di Aresto a tene un entrada hudisial na un plantashon na Ronde Klip.

Alrededor di 11.30’or, e tim a hasi detenshon di e hòmbernan sospechoso L.M. i R.E. di respektivamente 29 i 40 aña di edat, ámbos nase na Kòrsou pa e kaso di atrako ariba menshoná i un atrako na Cas Abou. Tambe a detené e hòmber sospechoso G.M. di 42 aña di edat nase na Kòrsou pa violashon di lei di arma di kandela. A konfiská un arma di kandela i tambe diferente artíkulo ku ta di importansia pa e investigashon.

Siguiendo ku e investigashon alrededor di 13.32’or, riba Kaya Coco Balentin polis a detené un sospechoso mas den e kaso di atrako na e banko lokal. Ta trata aki di e dama sospechoso I.O. di 32 aña di edat nase na Kòrsou. A presentá tur e kuater sospechosonan dilanti un Fiskal Ouksiliar ku a oredená na enkarselamentu pendiente di mas investigashon.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio