Home Police Toyota a perde control den bocht pabou di Wayaca Fall, dos persona...

Toyota a perde control den bocht pabou di Wayaca Fall, dos persona a resulta herida

SHARE
Wayaca – Diadomingo anochi den careda di 10’or polis a topa cu auto Toyota cu lo caba di bolter den e bocht pabou di Wayaca Falls.

Mirando con e personanan herida tawata mesora a pidi pa ambulance y tambe brandweer, y esnan menciona a yega hopi lihe. Post di ambulance ta algun 100 meter di unda e accidente a sosode.

E vehiculo Toyota (rhd) biniendo ariba e caminda paden cu ta pasa cerca di e Mall lo no por tawata sa di bocht mas pabou. Por mira marca ariba e tera con e auto a sigui straight y ta bolter bay cay cerca di un muraya di un cas.

Polis y Paramediconan hunto cu personal di Brandweer a logra saca esnan herida y a pone nan den Ambulance.  Uno por a cana ariba su mes un forsa drenta Ambulance.

Ambos ocupante a resulta herida cu sla y corta na curpa. Despues di algun rato cu a stabilisanan den Ambulance nan a sali direccion Hospital.

Polis di trafico a keda na e sitio pa haci algun investigacion.