Home » Polis a para un auto cu a keda sin pone señal y a bin topa cu un cargacion di droga

Polis a para un auto cu a keda sin pone señal y a bin topa cu un cargacion di droga

by Admin
0 comment 95 views

Keda sin pone señal tabata suficiente motibo pa polis para un auto, durante e investigacion e polisnan a bin topa cu un cantidad grandi di droga, placa cash y celularnan PGP

Amsterdam: Diahuebs den oranan di merdia, riba A4, dos polis den un patruya ta nota un Peugeot preto pasando nan no ta pone señal na momento di cambia rijbaan.

E dos agentenan a dicidi di para e auto aki y na prome instante tabata djis pa duna e chauffeur un waarschuwing. Pero prome cu a laga e chauffeur bay, e agentenan a dicidi toch pa haci un control tecnico riba e auto, controla e tirenan, luznan etc.

Na momento cu a bay controla e tire di spare den e bahul, nan a bin topa cu dos caha, e chauffeur a bisanan cu ta buki tin den e cahanan aki. Polis no a confia esaki y a pidi e chauffeur permiso pa habri esakinan, di cual e chauffeur a bay di acuerdo cune. Na momento cu polis a habri e cahanan nan a bin topa cu niun buki pero cu un cargacion di droga. En total un 33 kilo di ketamine. Tambe e sospechoso tabata tin 5 mil euro cash den su poder.

Ketamine ta en realidad un anastecia cu ta wordo usa principalmente pa veterinario. E ta bin den forma di puiro of liquido. E puiro ta parce cocaina, pero e tin un structura mas cristalino.

Ketamine ta wordo gesnuif mescos cu cocaina, pero e dosis ta mas abou y pa e motibo aki ta existi un risico grandi di overdosis. E efecto di Ketamine ta dura mas o menos un ora. Ketamine na Europa ta costa entre 30 pa 40 euro pa gram. Locual a wordo haya den e bahul di e auto ta mas cu 100 mil Euro(200 mil florin)

E Chauffeur(33) a keda deteni, e no ta doño di e auto. Despues cu a detene e homber, autoridad mesora a haci un Entrada Hudicial na e cas di e doño di e auto y tambe na e sospechoso su cas. Aki recherchenan a confisca 10 mil Euro y un cantidad di PGP telefon.

Un PGP telefon of PGP Blackbery ta un celular cu por manda encrypted message. E encrypted ta pa preveni cu polis, veiligheidsdiensten of otro departamentonan di gobiernonan rond mundo intercepta e mensahenan aki.

Usando e celularnan aki hendenan den e circuito criminal no mester comunica den code mas. E celularnan PGP ta basta caro y ta wordo hopi uza no solamente den e circuito criminal, pero tambe  pa algun compania cu tin cu atende cu informacionnan delicado. Mensahenan di whatsapp, sigur no ta safe y maske nan wordo delete semper tin un of mas forma pa trace nan bek. 

E telefonnan PGP, no ta wordo bendi den cualke teleshop of tienda di celular. Door di e software avansa, e celularnan aki ta basta caro. E prijsnan di e celularnan PGP ta cuminsa den careda di 1200 Euro (na Hulanda). E celularnan aki ta obtenibel via tiendanan specialisa den aparatonan di seguridad of beveiligingswebshops. Tambe nan ta wordo hopi bendi riba zwarte markt. E PGP phonesnan aki mayoria parti ta anti afluisterapparaat, pues niun otro persona of ni polis no por scucha e conversacionnan di e celularnan aki.  

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio