Medellin, Colombia – Ruman homber di Pablo Escobar ta exigi 2.6 Biyon Dollar for di e gigante Apple. Esaki ta un demanda contra e compania aki.
Roberto Escobar a entama un caso contra Apple. Na aña 2018 ruman di e narco traficante Pablo Escobar a cumpra un Iphone X.
E la wordo sigura cu e cellular aki ta hopi safe y ningun hende por hack e.
Segun e ruman un persona bou e nomber di ‘Diego’ a sa di drenta den e Iphone X, hayando asina su adres y algun informacion mas. Tur esaki a pasa via Facetime.
Manera esaki a sosode e la haye obliga di muda su famia mesora.
Den e kehonan entraga na Huez ruman di Escobar ta bisa cu e empleado di Apple e tempo ey a sigure cu e Apple X ta e cellular mas sigur ariba mercado.
Roberto Escobar explicitamente a pidi’e pa un cellular aki, debi cu entre 2010 y 2014 varios biaha nan a intenta di likida su persona. Mas o menos 1 aña despues, segun Escobar, e lo a ricibi un carta di menasa. Segun Escobar, e mes a haci su investigacion y a haya sa cu tin un vulnerabilidad den e Facetime funccion su di e Iphone X.
Awor ruman di e fayecido marco traficante Escobar ta exigi un daño y perhuicio di 2.6 biyon dollar pa tur loke e la pasa aden. Corte di Husticia na Medellin lo mester dicta sentencia.