Nos a logra yega Covid-19 FREE awe. Despues di e prome caso ariba 13 maart 2020 awe 27 di mei 2020 nos por bisa cu no tin ningun persona mas cu Covid-19 na Aruba. E no tawata facil, dianan largo, dianan tenso, dianan cu hopi stress pero cu trabou duro, fe y perseverancia nos a logra. Na prome lugar mi kier a gradici Dios pa bendiciona Aruba cu nos por a logra esaki.
Danki na nos prome minister Evelyn Wever-Croes pa e sosten y confianza den tur decision. Danki pa e liderazgo firme sin duda ningun momento den ningun decision. A demostra karakter pa nos a yega aki nan. Un danki na tur mi coleganan ministernan Xiomara Maduro, Glenbert F Croes, Marisol Lopez, Chris Romero, Rudy Lampe y Andin Bikker pa e bon cooperacion. Sigur na tur mi coleganan di ministerio di Turismo, Salud Publico y Deporte cu a traha den henter Covid-19 dia y anochi.
Danki special na Capitan Hermans, Directie DVG, MT DVG, Sharline Koolman, actiecentrum DVG, diagnostic center DVG, runners di DVG, Ibisa, IVA, personal di hospital, specialistanan, enfermeronan, dokternan di cas, ImSan, ambulance y tur otro den e sector medico.
Esaki tawata un esfuerzo en conhunto gradiciendo e miembronan di BT, miembronan di OT y Copi. Tur cu a yuda duna e miho consehonan pa tuma e decisionan di mas responsabel pa proteha salud di nos comunidad. Na parlamento di Aruba pa e atencion brinda y tambe pa informa y educa comunidad por medio di reunionan.
Na medionan di comunicacion cu a mantene comunidad informa.
Nos tin cu sigui awor pa prepara nos mes pero nos por ta orguyoso con nos tur a maneha e crisis aki. Nos tin cu siña awor maneha Covid-19 y no laga Covid-19 maneha nos.
#MINTVS