Tabata un placer diasabra ultimo pa miembronan di Aruba One Happy Island Lions Club uni forsa cu miembronan di Rotaract Club of Aruba y demas boluntarionan pa asina yuda Fundacion Pa Nos Comunidad na su centro di distribucion preparando paketenan di productonan alimenticio y pa asina nan por ser entrega na famianan den necesidad.
Den temporada di crisis aun mas nos comunidad ta depende di e clubnan di servicio y ta bunita mira con clubnan di servicio ta duna nan cooperacion y contribucion na bienestar di nos comunidad, Como Aruba One Happy Island Lions Club nos lo sigui tey buscando formanan inovador pero si tumando e precuacionnan necesario pa por yuda nos comunidad den un forma sigur. Palabra di gratitud na miembronan di Rotaract of Aruba, Aruba One Happy Island Lions Club y tur otro boluntario pa e bunita gesto di servicio brinda na Fundacion Pa Nos Comunidad.
