138
Mabon – Diadomingo anochi algo prome cu 11’or polis y tambe ambulnce a wordo notifica di un accidente na Mabon.
Mesora varios unidad policial tanto di caya y di trafico a sali pa e sitio.
E sitio exacto tawata altura di Famia Supermarket situa na Mabon.
Na yegada di polis nan a topa cu un Kia Rio cu hopi daña material y un palo di luz ranca.
Velocidad halto lo a hunga un rol den e accidente aki.
Pa loke ta e chauffeur, e la ricibi solamente un corta na brasa.
Paramediconan cu a yega e sitio a trata cune.
Caminda a keda cera pa basta rato, mientras departamento di trafico tawata haciendo nan investigacion.
Elmar tawata e ultimo pa a bandona e sitio, debi cu nan mester a traha ariba e palo di luz cu a keda colga.
Durante cu esaki a sosode coriente a cay na varios cas.