Dama herida den accidente na crusada di Palm Beach

Palm Beach – Dialuna mainta algo prome cu 9’or polis a bay crusada di luznan di trafico na Palm Beach, undo lo a sosode un accidente y tin hende herida.

Na yegada di patruya di Noord nan a pidi mesora pa un Ambulance, debi cu tin un dama herida.

Ambos auto a ricibi daño material grandi.

Ta trata di Hyundai Accent y un Suzuki Vitara. Na prome instante tawata wordo papia cu e luznan di trafico lo no ta trahando.

Pero ora cu agentenan di trafico a yega a bin ripara cu tur luz ta den funcion.

Por a compronde cu e Hyundai Accent a subi e crusada for di pabou y dal contra e Suzuki Vitara.

Aki ta unda cu departamento di trafico mester a haci nan investigacion pa mira si e dama a pasa den luz cora.

Na yegada di Ambulance e Paramediconan a controla e dama cu tawata esun mas herida y a opta pa transporte pa Hospital.