Home Obituaries Aurora Funeral Home: Gradicimento y Invitacion

Aurora Funeral Home: Gradicimento y Invitacion

SHARE

Pa medio di esaki nos kier a gradici tur esnan cu di un of otro manera a compaña nos durante e momento nan dificil di inmenso dolor y tristeza cu fayecimento y entiero di nos kerida y estimada Mama.

Cosma Geerman-Ras/Mama Tina
*27-09-1927 †27-04-2020

Un danki especial di curason na tur yiunan y nieta(o) nan cu tabata tey dia y nochi cu Mama durante su enfermedad y muy especial durante e ultimo fin di siman. Na Edward y crew cu a hasi tur nan maximo esfuerso pa hasi posibel cu tur yiunan y famianan den exterior por a atende e entiero en bibo tanto na funeraria como den santana.

Dr. Wassenaar durante e promer aña nan di enfermedad y henter e team di Oncologie, danki di curason pa e guia, sosten y atencion cu boso a duna Mama durante tur e añanan. Danki di curason na Dr. Anthony, Ayrine y demas assitentnan cu semper tawata cla pa duna ayudo y sosten durante Mama su enfermedad. Danki na personal di Botica Central pa tur e bon guia y consehonan.

Na tur verpleegkundig nan di Wit Gele Kruis pa e pasenshi y bon cuido. Na Mama su asistentenan Euri y Krystle pa e dedicacion y cu hopi amor a atende.
Na Legion di Maria Santa Cruz pa tur e oracion nan hasi cu Mama, ora hasi peticion pa esey y boluntariamente.

Na tur esnan cu a compaña nos dia di fayecimento y durante e dia di entiero tanto na Royal Funeral y na Santana. Na tur esnan cu a manda flor, carchi y tambe danki pa e palabranan di consuelo y alimento spiritual via jamadanan di telefon, wzp y mail nan cu nos a ricibi. Boso muestra di atencion tabata y lo keda un gran consuelo pa nos. Y sin lubida e staff y personal di Aurora Funeral Home.

Alavez nos kier a invita tur famia, amigo y conocir nan pa un Santo Sacrificio di Misa pa recorda e promer luna di fayecimento di nos kerida y stima Mama Tina ariba diaranson 27 mei 2020 pa 7’or di anochi na misa “Immaculata Concepcion” na Santa Cruz. Despues di Misa lo tin un Santo Rosario na cas na Santa Cruz 304.

Di parti nos kerida Mama su yiunan:
Jacenta, Rebecca, Mena, Anchi, Fachi, Reina, Sita, Macca, Chito y Dina.