Dama na un fiesta lo a wordo maltrata pa un persona y a keda herida na su cara

Savaneta: Diahuebs den oranan di marduga, durante un fiesta chikito na un cas, na prome instante a drenta un informacion cu un dama lo cay pero despues a wordo bisa cu e dama lo a wordo maltrata pa un otro persona.

E dama a haya hopi golpi na su cara y a yama su famia pa bin yud’e, ora nan a mira via cellular con su cara a keda, nan a spanta y mesora a bati alarma.

Polis a yega mesora na e sitio, enberdad nan a topa cu e dama kende tabata basta herida y a pidi pa presencia di ambulance cu hopi urgencia. Despues cu personal di ambulance a trata e dama na e sitio, a transport’e pa hospital.