Home » Laga nos brinda respet na nos MinPres Crisis ta revela e cara real di hende

Laga nos brinda respet na nos MinPres Crisis ta revela e cara real di hende

by Admin
0 comment 63 views

 

 

ORANJESTAD – Aruba ta pasando den e crisis di COVID-19 cu ta afecta no solamente nos salud pero tambe nos situacion financiero y economico. Den tur e situacion di miedo y di incertidumbre Gobierno di Aruba a sa di tuma decisionnan importante y na e momento propicio, pa proteha e salubridad di Pueblo di Aruba contra e menasa di COVID-19 y pa brinda alivio pa por surpasa e efecto di COVID-19 riba e finansa y economia di Pais Aruba.

 

MinPres cu e liderato firme

Nos Minister Presodent Evelyn Wever-Croes como ‘opperbevelhebber’ na momento di e crisis aki di mas grandi di humanidad, a sa di tuma decision, brinda guia y informacion tur dia y di e manera aki a sa di lidera nos Pais cu firmesa. Diaranson pasa atrobe nos MinPres a demostra liderazgo fuerte ora cu ela presenta pa atende cu e manifestantenan di SIMAR, SEPPA y SPA cu a presenta na Bestuurskantoor. Nos MinPres asina mes cu e ta pasando como hende den un periodo di un perdida grandi den su famia, toch a sa di mustra cara y a bay atende cu e grupo di manifestante. Ma como cu crisis ta revela e cara real di hende, Aruba tabata testigo di algun hende cu a probecha di e situacion pa grita palabra insolente den direccion di nos MinPres.

 

Respet pa nos MinPres

Bo por ta disgusta, bo por ta rabia, kizas bo no ta gust’e como persona, pero nos MinPres merece nos RESPET como hende cu hasta den momentonan di mas dificil a sa di mustra liderazgo sin igual. Pueblo di Aruba, nos mester conta nos bendicion, pasobra nos a yega di mira un lider na nos Pais bay bou palo pa welga di hamber pa bebe ensure, lagando Pueblo di Aruba den un momento di crisis estatal bandona, sin guia y pa nos cuenta. Ma awe den momento di un crisis cu ta afecta full mundo, Aruba ta bendiciona di por conta cu un lider berdadero den persona di nos MinPres Evelyn Wever-Croes cu ta duna cara y ta 

 

lidera nos Pais cu e firmeza necesario pa busca solucion pa enfrenta y surpasa e crisis di mas grandi di nos humanidad. Pesey nada mas cu RESPET pa nos MinPres! 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio