Home Police Chauffeur di edad a causa consternacion, momento cu e la nenga...

Chauffeur di edad a causa consternacion, momento cu e la nenga stopteken y tambe manda auto ariba polis

SHARE
Noord – Diahuebs den oranan di merdia polis a haya un informacion di un vehiculo cu lo ta coriendo bastante malo. Esaki tawata altura di Imelda Hof.

Mesora un patruya a sali direccion e area eynan y a topa cu e Mitsubishi Lancer color blanco.

E auto tawata bayendo direccion nort.

Chauffeur na stuur di e Mitsubishi dado momento a manda e auto ariba polis. Un agente a herida su man levemente momento cu a logra para e auto. Esaki a sosode door cu e agente a kibra glas di e auto.

Di parti Cuerpo Policial nos a haya e siguiente relato:

“Diahuebs merdia pa mos o menos 12:45 central ta wordo notifica di un auto mitsubishi lancer color blanco coriendo malo y inresponsabel ana altura di imeldahof. Ta manda patruya di biaha na unda ta topa cu dichi auto y ta dune señal pero e chauffeur no ta sigui e ordo di polis. Na retonde di Noord e patruya di strandpolitie ta bin top e mitsubishi lancer blanco y ta tune señal pa e para pero e ta ignora esaki y ta sigui bay direcion noord. Na altura di Ting Zan e dichi auto ta bira y ta bay dal den e patruya di polis y despues bay dal den cura di cas.  E chauffeur a wordo deteni y hiba warda . E auto a wordo confisca pa mas investigacion.

E dos coleganan polis den e patruya ta bon y no a haya nada”.