Accidente un biaha mas ariba crusada conoci na Piedra Plat

Piedra Plat – Diaranson anochi un accidente a sosode na e conocido crusada di Piedra Plat pa bay Sero Pita.

Mayoria di e accidentenan ariba e crusda T aki ta sosode pa falta di preferencia, o sea ta yega bira dilanti trafico contrario of ta subi caminda sin pone atencion.

Diaranson anochi no tawata diferente. E dos autonan envolvi tawata un Hyundai i10 y un Toyota Corolla.

E accidente a sosode momento cu e Hyundai i10 a dal contra e Toyota cu tawata biniendo for di Santa Cruz.

Chauffeur di e i10 cu ta un dama a resulta herida y mester a ricibi atencion medico. Pa e motibo aki a pidi presencia di Ambulance, y na yegada di Paramediconan nan a atende cu e dama.