Home Police Pia di hoben a keda pega den cadena di brommer despues di...

Pia di hoben a keda pega den cadena di brommer despues di accidente

SHARE
Tanki Flip – Diaranson atardi pa mas o menos 3:40 informacion a drenta di un accidente serio entre brommer cu auto, dilanti TaoBao situa na Tanki Flip.

Den mesun rosea nan a indica cu pia di e motociclista a keda pega unda cadena di e brommer ta.

Esaki a pone cu polis, ambulance y brandweer a sali pa e sitio. Pero na yegada e situacion tawata uno diferente.

Na yegada nan a haya e hoben cu tawata ariba e Motorcycle sinta ariba un stoel, cu a wordo facilita door di un persona eybanda.

E hoben su pia drechi tawata tin algun herida y e tambe por a mira cu e tin dolor. Esnan rond di dje tawata papia cune te ora Paramediconan yega.

Señora na stuur di Kia Sportage cora

Un señora na stuur di un Kia Sportage color cora staciona dilanti TaoBao a cuminsa reverse pa subi caminda. Pero, lo no a mira e brommer cu dos persona ariba dje biniendo di pariba.

Un dama lo tawata maneha e brommer, mientras e cabayero tawata sinta patras.

Por mira cu e brommer a cera brake, pero asina mes a dal contra e Kia Sportage su banda drechi.

Den e impacto e hoben sinta patras su pia a bay den e cadena, mientras cu e brommer a kita bay zuid.

Eynan mesora algun persona a drenta den accion, door di yega cu tools y los e tire parti patras liberando e hoben su pia.

Na yegada di bomberonan no tawata tin nada mas pa nan yuda cune y nan por a regresa nan base.

Ambos banda di caminda a wordo cera y polisnan di trafico a bay haci nan investigacion y tuma datonan. Mientrastanto Paramediconan cu a yega na e sitio a cuminsa prepara pa transporta e hoben pa Hospital.

Paramediconan tambe a haci señora di e Sportage algun pregunta pa mira si e ta ok.

Si e brommer tawata bin cu velocidad hopi halto e lo por tawata devastador.