77
Avenida Nelson O.Oduber – Diamars mainta trempan durante cu Motor Unit di polis tawata guia un transporte pisa algo a bay fout.
Polisnan motorisa a cuminsa den oranan trempan di mainta cu un zwaar transport, esaki lo mester a bay Noord.
Pero, altura di e rotonde di Super Food Plaza debi na e haltura di e transport e la ranca dos palo di luz.
Mesora a stop y bay mira e daño. Di e manera aki Motor Unit a pidi pa avisa ELMAR, debi cu no tawata conoci e momento ey si ainda tin coriente ariba e palonan.
Tambe mester a avisa Forensys, debi cu seguro di e compania lo ta esun cu mester para responsabel pa e gastonan.
E transport a sigui bay su destino, mientras un representante a keda warda seguro unda e incidente a tuma luga.