Home International China: Falta di inmunidad por causa ‘segundo ola’ di coronavirus, segun consehero...

China: Falta di inmunidad por causa ‘segundo ola’ di coronavirus, segun consehero medico

SHARE

Inmunidad di grupo (‘herd immunity’) por sosode ora suficiente miembro di un populacion bira immuun pa un virus, y asina causando un stop na transmision. Cu coronavirus e pregunta cu hopi experto tin ta kico ta e duracion di e inmunidad?

E prome caso di e virus a ser detecta na China, y na Januari nan a cuminsa introduci medidanan di lockdown. Awor e restriccionan a wordo lanta y medidanan suavisa, pa algun den e pais bida ‘normal’ a regresa.

Pero esaki no ta un motibo pa celebration ainda. Dr. Zhong Nanshan, un di e mihor epidemiologonan di China, y top consehero medico ta adverti pa e segundo ola. Dr. Zhong Nanshan a expresa su preocupacion pa China, mirando cu e ciudadanonan no ta immuun pa e virus, e ta mira posibilidad pa un otro brote di e virus atrobe.

E experto a continua na splica cu “e mayoria di… Chines ta na e momento aki susceptible pa infeccion di COVID-19, pa motibo di e falta di inmunidad.” E comentario di Dr. Zhong a bin na un momento cu hopi pais a cuminsa suavisa medidanan y lanta restriccionan riba bida publico.

Na Wuhan, e cuidad conoci como ‘ground zero’ pa e pandemia, a detecta 6 caso nobo di infeccion. Esaki despues di mas di un luna sin niun caso nobo. Awor autoridadnan tin e plan ambicioso di bay test cada un di e 11 miyon residentenan di e cuidad di Wuhan pa e virus.

Pa preveni un brote nobo di e virus, mester cuminsa na tin inmunidad di grupo, cual ta sosode ora suficiente miembronan di un populacion bira immuun pa un virus. Mastanto esaki por sosode via vacunacion o infeccion natural.

Dr. Zhong Nanshan