95
Boegoeroei – Diahuebs anochi algo pasa di 8’or un patruya ariba e rotonde nobo altura di Stadion di Frans Figaroa ta topa cu un Nissan Cube.
E auto aki tawata pega contra un palo di luz.
Den mesun un instante agentenan a ripara cu e chauffeur na stuur tawata trata di bandona e sitio. Polis a baha y a bay controla kiko a pasa, eynan ta unda nan a constata cu e dama chauffeur tawata bou influencia.
Polis di trafico tambe a presenta y di e manera aki a bay over na detene y hibe warda.
Prome cu tur esaki a tuma luga, e dama mester a supla na e Alco-sensor y akinan ta unda e la surpasa e limite stipula pa ley.
E la wordo deteni na e sitio y despues transporta pa warda. Pa loke ta e Nissan Cube esaki a wordo hiba Balashi.