Home Sports Rumannan Klaber di Brazil Taekwondo Stichting a train na Hooiberg

Rumannan Klaber di Brazil Taekwondo Stichting a train na Hooiberg

SHARE

Rumannan Klaber a train e fin di siman cu a pasa na Hooiberg. Na Hooiberg tabata tin varios particular y algun atleta di otro deporte ta train. Nan tur cu e mesun meta di sigui mantene nan mes den condicion y activo. Training na Hooiberg kisas ta mustra facil, pero ora cu bo pone tur cos hunto e ta bira algo otro. No ta facil pa subi baha y tira scop ariba e cusinchinan. Rumannan Klabér tabata cansa na dado momento, mirando cu nan mester subi baha y subi baha manera por wak ariba e potretnan.

 
E rumannan Klaber lo no biaha mas pa 2020, mirando cu e actividadnan a wordo cancela y no tin un vacuna ainda. Ta premira cu pa 2021 nan lo por participa na Open USA si logra di tin un vacuna. Tur actividad di Taekwondo pa e rumannan Klaber ta depende di un posibel vacuna awo. Campeonato Hulandes tambe ta bay ta na peliger pa rumannan Klaber si no tin vacuna. Zahyon Klaber tin cu bay pa defende su titulo. No ta keda e rumannan Klaber nada otro di sigui cu nan training y mantene nan mes ocupa. Por sigui tur e training nan di e rumannan Klaber semanalmente riba Facebook di Brazil Taekwondo Stichting.