Home » Parlamentario Alan Howell: Kier sa con ta bay haci cu schoolgeld mirando e situacion duro

Parlamentario Alan Howell: Kier sa con ta bay haci cu schoolgeld mirando e situacion duro

by Admin
0 comment 46 views

Parlamentario Alan Howell a manda un peticion dia 4 di mei di e aña aki atraves di Presidente di Parlamento pa un reunion publico pa atende cu e situacion di enseñansa den e temponan di crisis di Corona Virus y den e normal nobo cu nos ta cuminsa conoce y implementa.

E parlamentario ta indica cu tin hopi pregunta riba e tema di enseñansa den e cuadro aki y pesey e ta mira e urgencia pa e reunion por tuma luga mas pronto cu ta posibel. Un di e temanan cu e kier haya mas informacion riba dje ta con ta bay haci cu Schoolgeld. E ta considera cu den e situacion actual ta imposibel un mama of tata soltero cu a perde trabou y ta haya e sosten di 950 Florin pa luna for di gobierno por “come across” pa paga schoolgeld tambe ora aña escolar nobo habri. E ta considera cu ta importante pa busca of presenta solucionnan pa e situacion aki entre otro unda cu e mucha/hoben no ta wordo perhudica.

“Pa tal motibo mi ta urgi pa e reunion publico riba enseñansa por tuma luga mas pronto cu ta posibel y asina trece claridad riba e cantidad di pregunta, preocupacion y dudanan cu ta reina na e momentonan aki”, Alan Howell a conclui.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio