Home » Innovacion y Comunidad e tema di parti tres di “Restart Conversations” presenta pa CAREER IQ

Innovacion y Comunidad e tema di parti tres di “Restart Conversations” presenta pa CAREER IQ

by Admin
0 comment 90 views

Innovacion y Comunidad ta e tema di parti tres di “Restart Conversations” presenta pa CAREER IQ

Pa e ultimo dos diasabranan, CAREER IQ a presenta e prome parti di “Restart Conversations” virtual summit cu enfoke riba Economia y Entrepreneurship y e di dos parti riba Turismo. E sesionnan aki tabata bon ricibi p’e publico di Aruba cu a sigui e prome cumbre virtual, bibo y directo na Aruba via e webinar platform, Telearuba livestream y atrabes di Telearuba canal 13, unda miles di siguidor a participa na e combersacion.

Siguientemente diasabra 16 di mei lo tin e di tres parti di e “3-part series virtual summit” aki cu enfoke riba Innovacion y Comunidad cu e enfoke riba responsabilidad civico. Nos lo tin un presentacion di “kico ta innovacion?” di Varelie Croes (Chief Innovation Officer di Gobierno di Aruba) bou di e capa di FUTURA cual ta e departamento di innovacion di Aruba.
Directamente despues di esaki lo sigui pa discusion entre e panelistanan invita den persona di Jessica van Montfoort-Posner di Aruba Aloe, Christie Mettes di Brenchie’s Lab y Metabollic Foundation, James Ocalia cu ta un Social Impact Entrepreneur y tambe Amedee Wever Innovation Strategist y Ulrich Hermans Innovation Advisor na FUTURA.
Nos lo comparti tambe un presentacion tocante nos comunidad y con nos por traha hunto na un Aruba mas uni cu Lay Hing de Kort-Yee (Chief Purpose Officer na Cornerstone Economics), pero tambe unda cu entrepreneurship social ta haya un enfoke durante e conferencia virtual aki.
Ademas lo trata e ideanan creativo y innovativo di e “15 ideas challenge” cu Career IQ a haci den nan “book club” como parti di e “book club initiative” di escritor internacional Simon Sinek cu su buki “Start with WHY?” unda Sinek a reta nan pa bin cu 15 idea nobo aparte di nos pilar economico, Turismo. Career IQ a puntra e publico di Aruba pa varios idea y a ricibi esakinan. Durante e sesion aki lo presenta un resumen cortico di ideanan. Por ultimo Career IQ lo presenta un resumen y highlight di sesion 1 y 2. Career IQ a haya hopi reacion positivo di comunidad y den e ultimo sesion aki Career IQ lo presenta su siguiente pasonan.

E meta principal di e summit aki ta pa tene combersacion colectivo di ambos sector publico y priva. Esakinan lo ta retorico cu e mensahenan positivo, pa asina inspira e participantenan pa participa y tuma accion den nan seno y sigui crea un “ripple effect” di optimismo den nos comunidad pa rehabilita nos isla.

E summit aki por trece balor agrega pa un participante mediante e conocemento cu e lo brinda durante e sesion y alabes e por descubri ki oportunidad tin. E responsabilidad civico di tur Arubiano ta pa rehabilita nos isla y participando na e conferencia aki bo por forma un parti activo den esaki y haci e preguntanan na profesional di Aruba y wak nan perspectiva riba e temanan aki. Ta keda na nos tur pa traha hunto pa yuda Aruba supera e reto aki. Na mes momento tambe a trece cu ne hopi oportunidad pa nos por refleha como comunidad riba e Aruba cu nos kier laga atras y tambe con nos kier sigui desaroya nos pais. Pa nos por logra esaki nos tin mester di e combersacionan constructivo y tambe nos mester ta cla pa asumi cambio. Paso ta na nos como pais y comunidad mester asumi cambio pa asina adapta, si realmente nos kier prospera den futuro.

Pa bo por participa of pa haya mas informacion di e conferencia virtual aki bo tin cu simplemente subi e pagina di “social media” di Career IQ Aruba riba Facebook of Instagram. E ultimo parti di e summit aki lo tuma lugar riba diasabra 16 di mei desde 10 or di mainta pa 12 or di merdia. Tuma nota cu e cuponan ta limita pa e plataforma di webinar. E conferencia virtual aki lo ta streamed live tambe riba Telearuba canal 13 y Facebook Live di Telearuba.

Registra gratis y asina forma parti di e combersacion pa “restart” Aruba, nos isla.

LINK pa registra
Click e link akibou y registra bo mes pa e conferencia virtual gratis aki
Innovation & Community:

https://us02web.zoom.us/webinar/register/1415868022297/WN_xn_MY1igTK2ur3IwObdY0Q

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio