Home Dutch Kingdom Hulanda: 5 surfer ta fayece, lama bruto y biento fuerte por a...

Hulanda: 5 surfer ta fayece, lama bruto y biento fuerte por a hunga rol

SHARE

Den Haag, Hulanda – Polis ta bisando cu 5 persona a fayece mientras nan tawata purba surf. Diamars team di rescate a logra haya 3 di e curpanan. Mientras cu e dia anterior 2 persona cu a wordo rescata a fayece un rato despues.

Esaki ta un total di 5 fayecido na Scheveningen, Den Haag. Algun surfer cu conoce e area y e condicionan actual, a splica cu e biento y coriente di e lama lo a haci surfing dificil. Esnan cu a fayece ta aparentemente hopi experiencia den nan deporte.

Na e sitio por a mira cu e cantidad grandi di scuma riba lama tambe lo tawata un factor. Vocero di coast gaurd a splica cu nan mester a bula cu nan helicopter serca di e awa pa asina por logra hala e scuma. E tactica aki tawata pa yuda duna nan mas bista den e awa.

Dialuna atardi e personanan cu a bay surf a haya nan den problema riba lama. Algun a logra yega canto bek, 7 a wordo rescata, di cual 2 a fayece.
Momento cu solo a baha autoridadnan a stop e buskeda.