Home » El Salvador: Den caha di morto ta haya fayecido di ‘COVID-19’ geboei y malamente agredi

El Salvador: Den caha di morto ta haya fayecido di ‘COVID-19’ geboei y malamente agredi

by Admin
0 comment 122 views

El Salvador – Famianan di Luis Iván Mejía (30 aña) ta pidiendo autoridadnan pa investiga su morto. Mejía su famia a wordo bisa cu e cabayero a fayece pa motibo di coronavirus.

Ora cu e famia a logra mira e curpa pa prome biaha, e cadaver a ser encontra geboei. Tambe por a mira na e defunto su cara cu e a wordo malamente agredi prome cu su morto. E homber lo mester a fayece a causa di sangramento interno.

Luis Iván Mejía a perde su libertad algun tempo prome den luna di April. E defunto a wordo acusa di participa den asesinato di un soldaat. Mejía tawata un detenido momento cu su famia a wordo yama y bisa cu nan familiar a wordo traslada pa hospital.

Na yegada a informa e ruman muher di Mejía cu e a fayece. Ni polis y ni personal medico a laga nan mira e curpa. Usando e argumento cu e defunto a muri a causa di COVID-19, a prohibi e famia di mira e curpa.

Como cu Mejía tawata relativamente hoben y tambe di bon salud, a pone cu e famia tawata sospecha cu algo no normal a sosode. E famia a ser bisa cu nan no mag mira e curpa y tampoco por habri e caha di morto.

Asina mes famia di e defunto a dicidi di habri e caha, locual nan a mira a sorprende nan tur. E curpa di Mejía tawata tur golpia. E homber su wowonan y cara tawata cubri na sanger. Tambe e defunto su djentenan tawata mustra tur kibra. Esaki na un manera cu ta duna indicacion cu un persona a purba di ranca djentenan for di su boca.

Den e estado aki su curpa a ser entrega na e famia, solamente tapa den un paña blanco. Ni e boei a wordo kita. Pues claramente e homber a wordo tortura prome cu su morto. Debi nan locual nan a mira, Famianan a tuma foto y a haci denuncia na autoridad.

Autoridad Policial a bisa cu berdad e homber tawata tin keintura y dolor di curpa dias prome cu e a bay hospital. Pa ora cu e a wordo hiba hospital ya e tawata vomita sanger. Mediconan ta bisa cu pa ora e homber a yega hospital e a fayece caba. Y cu nan no kier a mishi cu e curpa pa motibo di e coronavirus.

Pues awor ta investigando e morto pa mira si ta a causa di e virus o a causa di un asesinato.

Luis Iván Mejía

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio