Home » Abattoir ta bay habri bek, Veterinaire Dienst ta informa bou ki condicionan lo duna servicio

Abattoir ta bay habri bek, Veterinaire Dienst ta informa bou ki condicionan lo duna servicio

by Admin
0 comment 82 views

ORANJESTAD, Aruba – Pa cumpli cu peticion di criadornan di bestia, servicio Veterinario di Departamento di Salud Publico ta informa cu dentro di poco nan lo habri abattoir pa duna servicio di matansa. Servicio lo wordo duna bou di condicionnan estricto di e.o distancia fisico y prohibicion di aglomeracion, pa asina evita un cantidad grandi di hende riba tereno di abattoir na mes momento.

Veterinaire Dienst ta haci un suplica na esnan cu ta bin busca servicio serca nan pa cumpli cu tur condicion stipula. Es cu no kier cumpli cu e condicionnan di proteccion lo wordo pidi pa bandona e localidad.
Abattoir lo cuminsa duna servicio riba e siguiente 3 dianan cu ta 26, 27 en 28 mei 2020. Cuminsando luna di juni abattoir lo ta habri manera normal riba diamars y diahuebs. Pa un cita riba un di e dianan aki mester yama prome na 5224310.

Veterinaire Dienst lo traha abase di e siguiente condicionnan:
1) Criadornan di bestia mester traha un cita adelanta serca nos administracion na telefon : 5224310 y informa cu cuanto bestia lo e bin. Sin cita lo no duna servicio
2) Riba e dia y orario stipula e criador di bestia mester raporta su mes na e gate. Si e persona ta laat of e no presenta e peticion lo no wordo honra despues mas y un cita nobo mester wordo traha.
3) E criador di bestia ta wordo controla na gate si e tin cita. Si e tin cita elo haya instruccion pa pone su bestianan den e hokinan asigna y despues e mester bandona tereno di Veterinaire dienst.
4) Despues e bestianan ta wordo conforme nos reglanan gekeur y mata.
5) Ora cu Veterinaire Dienst caba cu e matansa, ta yama e doño e mes un dia pa presenta na gate y busca su bestianan despues cu a paga pa e servicio. E pago di servicio mester ta cu ATM of placa cash pero net y den un envelop.

Servicio Veterinario ta informa cu e medidanan aki ta nesesario debi na e crisis di Corona Virus y ta nesesario pa cuida salud di nos personal pero tambe di nos clientenan. Si riba dia di bo cita bo tin sintoma di tosamento, keintura, dolor di garganta nos ta suplica bo pa no bin na nos servicio pero pidi pa haci cambio di cita.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio