168
Hooiberg: Diadomingo algo prome cu mey anochi, habitantenan di un cas na Hooiberg tabata scucha desordo y un dama gritando. Mesora nan a yama polis cu lo mester tin un persona ta maltratando otro.
Un patruya di polis a wordo manda cu urgencia na un trailer caminda tin hende ta biba. Na yegada nan a bin topa cu un señora benta abou, un homber probablemente su pareha a maltrat’e, e señora tabata keha di dolornan fuerte na su curpa.
Mesora polis a detene e homber y a pidi pa presencia di ambulance. Na yegada di ambulance, e paramediconan a trata e señora y despues a transport’e pa hospital pa un tratamento medico mas avansa.
Aparentemente e homber lo tabata bou influencia y lo a bira agresivo, cu consecuencia cu e homber a maltrata e señora.
