Green Corridor – Diabierna atardi a sosode un accidente di trafico ariba e caminda di Green Corridor, pa ta exacto e parti cu ta dilanti Wayaca Falls.
Manera a wordo treci dilanti caba tawata trata di un taxi van cu lo a perde control y dal contra e parti memey di Green Corridor, esaki ta separa e parti nort cu zuid.
E parti aki antes tawata tera solamente. Algun tempo patras, den un periodo corto a pone bloki.
Pues e parti aki por bisa ta un di e areanan di Green Corridor si nos no ta ekiboca cu a haya bloki prome, kizas cu e intencion pa wanta e autonan di no pasa over durante un accidente.
Diabierna atardi e taxi van a causa hopi daño material na e muraya abou di bloki, polisnan na yegada a haya bloki y tera gespart tur caminda.
Na e sitio nos a constata cu e blokinan ta wanta/pega cu algo cu ta parce un sorto di lijm. Ariba e imagen bo por mira claramente e liña di e “lijm” cu a wordo uza pa wanta e bloki.
No ta conoci si ta e parti ey so a usa algo cu ta parse lijm pa wanta e blokinan. En todo no ta mustra manera cement tradicional a wordo uza. Por solamente specula awor riba e calidad di e lijm/producto cu a wordo uza.
