Home » Parlamentario Arthur Dowers : Plan di Minister Lampe ta sigui dilanti hasta den tempo di crisis

Parlamentario Arthur Dowers : Plan di Minister Lampe ta sigui dilanti hasta den tempo di crisis

by Admin
0 comment 68 views

Loke Minister di Enseñansa Rudy Lampe ta insisti pa haci, ta algo cu den pasado tanto fraccion di AVP como varios miembro di fraccionnan cu ta sostene gobierno, a bay contra di e maniobranan aki di Lampe.
Sinembargo, segun parlamentario Dowers, awor un biaha mas ta saliendo na cla maniobranan cu Minister Lampe ta hibando den e tempo di crisis serio aki di covid-19, pa crea otro crisis grandi den enseñansa di e pais.
“Ta fresco den memoria ainda con den pasado na un scol publico caminda na a haye cu marihuna na scol, a bay over na kit’e for di scol pero como ‘bevoegd gezag’ nos a logra cu e mucha aki a logra sigui su estudio.
E tempo ey partido MEP a acusa nos di ta pro droga pero nos a splica hopi cla cu nos no ta pro droga pero contra droga pero nos no ta kere cu djis saca un mucha pone riba caya pa motibo di un tiki droga y cu den caso di e mucha aki no ta wordo cumpli cu leerplicht.
E tempo ey nos a logra di pone e mucha na un otro scol publico di gobierno despues cu a iniciao un hetze na e scol ey contra di e mucha.
Ta di lamenta pa mira cu e tempo ey hendenan di MEP a hunga wega politico cu e caso ey pero awe nan ta forma gobierno c’un politico cu ta pro droga y kende a declara den parlamento cu ta pro marihuana medicinal pero tambe e ta pro marihuana recreacional.
Nos ta sigui kere cu mester para pa interes di muchanan cu risico y e unico forma pa haci esey ta si bo tin scolnan publico cu ta garantisa.
Awor tin indicacion cu minister kier bay hinga EPI bou di e stichting di EPB, cual den pasado nos tabatin hopi problema como ‘bevoegd gezag’ hopi problema cu nan manehom, ya cu nan kier dicidi manera nant a haya ta bon.
Dado momento tabatin normanan asina pisa na e scol ey caminda no por a mantene cierto muchanan na scol mas y e tempo ey tambe AV a scoge pa saca e parti di scol special for di EPB pa di e forma ey garantisa pa e muchanan aki por bay scol trankil y caminda nos a mira un trankilidad grandi despues na EPB.
Nos a purba tambe mas tanto cu tabata por pa crea scolnan chikito y awor tur eseynan nos tin entendi ta core riesgo pa motibo cu e minister a pasa entre otro segun informacion, Bernard School pa un otro stiching.
Tambe tin indicacion cu Minister Lampe tin plan pa loke ta ‘open avondonderwijs’ pa pasa esaki tambe pa un otro stichting y loke ta ainda mas tristo, mi a compronde cu e Minister aki kier pasa cierto scolnan publico manera mavo-nan, pa scol Catolico.
Ta unda nos ta bayendo cu e maneho di Minister Lampe aki y riba dje algun dia atras e minister aki a wordo poni na su luga pa dor di scol Catolico, caminda el a wordo mustra bon cla cu e no tin nada di bisa nan, pa loke ta trata kende ta bay over y kende no.
Den tur pais civilisa den un caso asina tin dialogo entre e minister y su gobierno cu schoolbesturen, caminda tin cu yega na palabracionnan pa tin trankilidad di tur hende durante un temporada die crisis di covid-19, pero den pleno crisisi Minister Lampe ta hisa benta un cos y schoolbestuur ta manda bise pa cera boca cu e no tin nada di bisa.
E situacion aki e minister aki ta bay crea ora cu a caba di pasa tur scol publico pa stichtingnan caminda nan por bisa minister of gobierno cu nan no tin nada di bisa y djis paga y keda keto.
Nos no ta kere y tampoco nos ta acepta e cos aki y mi ta kere cu pueblo tampoco lo acepta esaki apesar cu nos ta den crisis.
Tin cierto hende ta bisa cu nos ta den crisis y no mester busca confrontacion pero den e caso di Minister Lampe ta for di momento cu el a bira Minister, el a cuminsa haci e maniobranan aki y caminda fraccion di AVP y despues miembronan di otro fraccionnan cu a sostene gobierno, a bise bon cla cu loke e kier haci no por y lo no wordo acepta.
Awor den pleno crisis grandi, ta mira cu minister ta haciendo maniobranan pa tog sigui implementa su plan cu Parlamento no a aproba,” Parlamentario Arthur Dowers a declara.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio