Home » DIMAS: E programa di Regreso Boluntario ta den full swing 

DIMAS: E programa di Regreso Boluntario ta den full swing 

by Admin
0 comment 79 views

 

Ministerio di Husticia, Seguridad y Integracion, conhuntamente cu partnernan strategico, ta haciendo esfuersonan continuo pa e programa di asistencia di Regreso Boluntario. DIMAS ta encarga cu e registracion y coordinacion di e programa di Regreso Boluntario. Desde cu a anuncia a iniciativa aki e programa di asistencia a ricibi un acogida grandi di parti di e personanan interesa. Riba e prome siman ya tabatin 300 persona registra. 

Actualmente nos ta den e di dos fase unda cu e partinan logistico y palabracionnan diplomatico cu e diferente paisnan ta tumando lugar. Alabes DIMAS a cuminsa contacta personanan cu a mustra interes pa e progama di asistencia sea pa suministra informacion of pa pidi informacion adicional cu e pais di origen ta rekeri pa e buelo por tuma lugar. 

Desde comienso di april te cu awor tin mas di 500 persona registra pa diferente destinacionnan. 

Gobierno di Aruba ta conciente cu actualmente tin hopi persona interesa pa regresa nan pais di origen riba un base boluntario y pa e motibo aki tambe a opta pa laga e periodo di inscripcion habri te cu proximo aviso. E formulario di inscripcion ta disponibel via di e tab Regreso Voluntario / Vrijwillige Terugkeer / Voluntary Return riba e website di DIMAS https://www.dimasaruba.aw/ y pa mas informacion por tuma contacto na 281-1010. 

Pa locual ta trata e biaheronan cu e siguiente destinacion nos por informa lo siguiente: E parti logistico pa cu biaheronan pa Hulanda (y tambe otro paisnan Europeo) ta canando via di Vertegenwoordiging van Nederland op Aruba (VNO) y e biaheronan lo wordo contacta door di dicho instancia. 

Biahenan pa Colombia ainda ta den e fase di palabracionnan cu e autoridadnan di e pais riba nivel diplomatico, logistico y di sanidad. 

E buelonan riba e dianan 8, 9, 10 y 11 di mei 2020 a keda posponi pa motibonan fuera di alcance di Gobierno di Aruba. 

Mientrastanto a continua cu e deliberacionnan pa e promer buelonan di repatriacion, cualnan a wordo posponi, por continua a corto plazo. Awor Aruba lo procede pa reschedule tur buelonan aki y lo comunica cu e interesadonan den e proximo dianan. 

DIMAS ta pidi tur persona cu a registra pa e programa di asistencia di Regreso Boluntario pa keda pendiente di e emailadres cu a registra. Na momento cu tin informacion importante tocante di e buelo lo comunica esaki via di email y e telefon local. 

2

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio