176
Piedra Plat – Diabierna anochi pasa di 9:30 polis a bay un accidente na e crusada conoci di Piedra Plat altura di e supermarket.
Na yegada polis a topa cu Toyota Yaris y Toyota Vitz color preto. E Vitz a keda memey di caminda mientras e Yaris a bay para ariba e tera pazuid di caminda.
Loke a sosode tawata cu e Toyota Yaris a bay bira na su man robes ariba e crusada y e chauffeur di e Toyota Vitz a bay pasa.
Esaki a causa cu e Vitz a dal e Yaris, cu tawata tin un dama na stuur y tambe un criatura.
Na yegada di polis di trafico chauffeur di e Vitz a bandona e sitio, lagando e auto atras.
Polis di trafico a pidi un ambulance pa controla e esnan cu tawata den e Yaris cu ta un dama y un criatura.
