Home International Bodybuilder profesional Luke Sandoe ta comete suicidio

Bodybuilder profesional Luke Sandoe ta comete suicidio

SHARE

Reino Uni – Luke Sandoe bodybuilder di 30 aña ta wordo haya sin bida den su cas. E a wordo descubri door di su partner den training diahuebs.

A wordo confirma door di generation iron, un website popular pa bodybuilders, cu Sandoe lo a comete suicidio. Den e articulo ta mustra con un otro Pro Bodybuilder/Mr. Olympia, Flex Lewis, ta confirma cu Sandoe a fayece a causa di suicidio.

Ta algo sumamente tristo mirando cu na aña 2017 un otro bodybuilder hoben di team Redcon1 tambe a fayece,  Dallas McCarver.

Luke tambe tabata wordo sponsored door di e compania Redcon1. E a competi como pro bodybuilder pa prome biaha na aña 2017 na e competencia di Arnold Classic. Den e competencia Mr. Olympia di aña 2019 Luke a gana di 11 lugar.

E tabata wordo mira como un di e bodybuildernan cu mas hopi potencial. E nickname di Luke Sandoe tabata “The Juggernaut”.

E tabata tin hopi fanatico den e mundo di Bodybuilding. Sigur lo wordo corda pa su fans/amistadnan y su famia. Sandoe a laga atras un yiu muhe y un yiu homber.

Suicidio ta algo serio y no ta algo cu nos ta pensa un familiar o amistad di nos lo hasi, te ora cu e pasa. Nos mester confronta e realidad, corda cu bo no ta bo so y corda riba esnan cu stimabo.

Aki nos a pone un link cu par di tips pa por yuda trata cu pensamento di suicidio.