Home Local Aruba Bank ta reanuda servicio di cahero na Hato cuminsando diaranson y...

Aruba Bank ta reanuda servicio di cahero na Hato cuminsando diaranson y ta extende horario di servicio di cahero cuminsando diahuebs

SHARE
????????????????????????????????????

Oranjestad – 6 di mei 2020 – Aruba Bank N.V. ta reanuda servicio di cahero na su filial na Hato, cuminsando diaranson, 6 di mei, 2020, di 8:00 a.m. te cu 11:00 a.m..

Cuminsando diahuebs, 7 di mei, 2020, servicio di cahero na Camacuri, San Nicolas, y Hato lo ta disponibel di 8:00 a.m. te cu 1:00 p.m.

Banco a cera e sucursalnan di Hato y Mainstreet luna pasa y desde e momento ey a encurasha clientenan pa usa opcion di banco online y di self-service y limita nan bishita na e sucursalnan di Camacuri y San Nicolas di 8:00 a.m.- 11:00 a.m.

Banco a confirma cu un gama di medida di distanciamento social lo ta vigente na tur sucursal.

Esakinan ta inclui marca di dos meter riba flur, limitando e cantidad di cliente den e sucursalnan na mesun momento, y screen di Plexiglass instala na e tellernan y den e areanan unda ta topa cu cliente.

Pa mas informacion por fabor yama Contact Center na 527-7777 of bishita www.arubabank.com/corona-new