Parlamentario Alan Howell a pidi un reunion publico den Parlamento pa haya un splicacion riba maneho pa cu fin di aña escolar aki den cuadro di e crisis di Coronova virus.
Howell ta bisa cu nos studiantenan no mag sali perhudica den ningun sentido door di e crisis di Corona virus.
“Hopi mayor, studiante y maestro ta preocupa. Duna y haya les online no tabata e cos di mas facil pa deal cu ne pa hopi maestro y studiante. A base di esaki mi a pidi un reunion publico pa Minister di Enseñansa bin Parlamento y duna un splicacion kico ta bay ta su maneho pa final di e aña escolar aki”, ta palabranan di Alan Howell, kende ta keda en espera di Presidente di Parlamento pa yama e reunion aki.
El a finalisa bisando cu na su opinion ningun mucha mag keda sinta pa via di e Corona virus. “Mi ta referi na studiantenan cu sa bin scol y haci nan best si”.