Home International Merca: Security guard tira fatalmente despues di nenga entrada na persona sin...

Merca: Security guard tira fatalmente despues di nenga entrada na persona sin mondkapje

SHARE

Michigan, Merca – Tres miembro di famia ta enfrentando cargonan criminal despues di tiramento cu a resulta den morto di un security guard. Oficialnan a informa dialuna pasa riba un caso di tiramento na un tienda yama ‘Family Dollar Store’.

Calvin Munerlyn di 43 aña a fayece den hospital despues di a ricibi tiro na su cabes diabierna pasa. Esnan sospechoso di su asesinato ta Ramonyea Bishop (23), Larry Teague (44), y Sharmel Teague (45).

Tin un orden ehecutivo di gobernador di Michigan pa durante e pandemia mantene seguridad pa empleadonan y clientenan den un tienda. Gobernador di Michigan a hacie mandatorio pa tur hende, empleadonan y clientenan, pa bisti mondkapje den tienda.

Pues agentenan policial di e estado di Michigan a conta cu Munerlyn tawata solamente haciendo su trabou momento cu e a wordo cruelmente asesina. Munerlyn a haye den un pleito cu un di e clientenan di e tienda paso e a pidi pe bisti mondkapje.

Familiar di e defuto

E pleito a causa Munerlyn pa bisa e dama pa bandona e tienda y tambe e a bisa e cahera pa no atende mas. Enberdad e dama a bandona e sitio, pero dentro di 20 minuut e a regresa bek cu dos homber.

Un di e hombernan a grita e security guard bisando cu e a falta su señora respet. Y ta aki ta unda e otro homber a los tiro alcansando Munerlyn den su cabes. Munerlyn a fayece despues na hospital, lagando atras 9 yui.

Tur tres persona ta deteni y ta pendiente pa nan dia den corte.