131
Bubali, Noord: Diadomingo algo prome cu 9’or di anochi, un patruya di Noord a wordo pidi cu urgencia na un adres na Bubali pa bay interveni den un problema di famia cu a bay for di man.
Na yegada enberdad tabata tin un problema di famia cu a bay for di man. Polis a trata na interveni, pero un dama na e cas tabata hopi altera y no kier a tende nada cu polis papia cune. Despues di varios intento no a keda polis nada otro cu detene e dama aki y pidi pa un transportwagen di polis pa transporta e dama pa warda di polis.
Na warda di Shaba e dama a cuminsa altera cu polis, pero hopi lihe nan a sa di domine y hibe paden.