Home » Den pleno crisis Notario Yarzagaray a saca su yiu muher di 16 aña y e mama di e mucha for di cas pone nan riba caya

Den pleno crisis Notario Yarzagaray a saca su yiu muher di 16 aña y e mama di e mucha for di cas pone nan riba caya

by Admin
0 comment 120 views

HUZGA PA BO MES

Saliña Cerca, Noord – Diasabra den oranan di merdia e conocido Notario Ralph Yazagaray den cooperacion cu su abogadonan, deurwaarder Wix y polis a presenta na un cas na Saliña Cerca, caminda e notario su propio yiu muhe y e mama di e mucha dus su ex pareha ta biba. 

Nan a yega den nomber di Sr. Yarzagaray pa saca e yiu muher di 16 aña y e mama di e mucha, kende tabata e ex pareha di e notario, for di su cas. Segun nos a compronde esaki a wordo ehecuta pa motibo cu lo tabata tin un ordo legal di Huez pa saca su ex pareha y e yiu di e notario for di e cas.

Tur nan pertenencianan a wordo poni pafo di e cas, riba caya. Esaki despues di basta aña cu un cantidad di casonan cu e pareha tabata tin den corte. Den e cas tabata biba 4 persona di cual un menor di edad, tabata un mama cu su yiunan. Polis tabata na e sitio pa mantene ordo y pa tur cos bay trankil.

Notario Yarzagaray tin un ruman abogado y un ruman muher cu tin e posicion di Hues Comisario na Corte. Nan sa bon kiko ta come y bebe di Husticia na Aruba si comparanan cu e ex pareha di e notario cu ta Sra. De Kort.

Sra. Jeanine De Kort ta ex pareha di e notario, e la declara na prensa cu hopi aña pasa e la traha e cas aki y despues na 2000, e la conoce e Notario cu e tempo ey ainda no tabata notario, pero tabata Kandidaat Notaris. Nan a cuminsa un relacion y na 2001, e Notario cu ta bon na altura di ley, a sa di a hunga Sra. De Kort un wega y segun nos a compronde na un forma hopi raro a logra cu Sra. De Kort a pasa mitar di e cas pa e Sr. Yarzagaray. Segun Jeanine nunca e la haya un pago pa e parti di su cas. E bida amoroso no a resulta mucho bon semper tabata tin problema.

Jeanine ta trahando na e oficina di e Notario y segun Jeanine e ta wordo hopi menasa cu si e hiba e notario corte, e lo perde su trabou y tambe cu e lo sacanan for di e cas. Sra. De Kort tabata paga e notario huur pa biba den su propio cas.  Mientras cu segun Jeanine desde 26 di November 2019 tin un vonnis di hof cu e Notario debe un suma di 270 mil florin.

Segun Jeanine loke a sosode tin di haber cu un carta cu su abogado a manda pa e notario cobrando su persona e placa cu tin para den e vonnis di hof cual a keda dicta dia 26 di november 2019, den cual e Notario tin cu paga Sra. De Kort pero nunca a cumpli.

Segun Sra. De Kort ni e placa mensual cu e mester ricibi tur luna pa su yiu e tin problema pa hay’e, esaki mester bay via Voogdijraad.

E abogadonan a presenta cu dos kortgeding vonnis, siendo cu Sra de Kort a bay den beroep, pero segun e abogadonan, nan por a haci beroep riba vonnisnan aki, pa saca nan for di e cas.

E abogado di Señora De Kort a manda un carta via e abogadonan pa Ralph cu tanten e no paga e señora De Kort loke e deb’e,  cu nan no lo sali for di e cas. Pero diasabra e Notario a mustra su powerplay cu e ta manda, cu e tin e poder pa laga saca Jeanine y su yiu cu ta su propio sanger, for di e cas, sin cu un dia a paga Jeanine un florin di loke e debe Jeanine.

Segun e abogado y Sra. De Kort  a menciona cu semper e notario tabata mustra un powerplay pa motibo cu e notario tin e financieramente hopi miho cu Sra. De Kort y tambe e ta bon na altura di e leynan y sa con pa hunga su wega pa e sali con la suya.

Segun nos a compronde tin un Hof Vonnis cu e notario mester paga su ex pareha, pero e notario ta mustra cu e ta para riba ley y no ta cumpli cu esaki. Aparentemente Husticia ta haya bon pa un notario keda sin paga loke a wordo dicta den e vonnis? Riba dje Husticia a permiti’e tambe pa busca su derecho via un kortgeding pa saca su yiu muher y e mama di su yiu for di e cas, bentanan riba caya. Mientras cu e notario debe e señora De Kort y riba dje e señora De Kort semper a paga e notario e huur pa asina Jeanine y su famia por a biba den e cas cu e mes a construi.

Actualmente nos ta den un crisis, nos tin Shelter in place den dia y Toque de queda anochi, sin cu su curason bati e la tuma e desicion aki. Mientras cu Señora De Kort y ni su yiu no tin niun caminda di pasa anochi.

Como tata cu ta supose di ta stima su yiu sikiera por a laganan den e cas pa su yiu tin un dak pa e por drumi anochi, pero ta parce cu e notario aki no tin niun sentimento di tata pa cu su yiu muher di 16 aña, su yiu por wel di drumi riba caya anochi, contal e haya cas cu e dama a construi den su poder.

Shon Notario riba e mundo aki nos ta pasahero, cas,placa y poder ta cosnan terenal, ora nos muri nos niun lo bay cu nada den nos graf. 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio