Home » Remedi pa combati y controla pedofilia, pronto riba mercado.

Remedi pa combati y controla pedofilia, pronto riba mercado.

by Admin
0 comment 51 views

E deseonan sexual di pedofielnan pronto lo por pasa pa pasado.

STOCKHOLM, SWEDEN: Scientificonan durante un investigacion a haya un pista di un tratameto cu lo por traha pa combati abusonan sexual cerca muchanan. Un remedi contra cancer di prostaat, parce ta suprimi e deseonan pedosexual di e hombernan pedofiel.

E remedi Degarelix ta baha e nivel di e hormona masculino, testosterona. Esaki ta baha e risico tambe di abuso sexual di mucha, cerca e hombernan cu un trastorno pedofiel, esaki a sali publica den medianan na Scandinavia.

Nan ta referi na e investigacion di Karolinska Institutet y di Universidad di Göteborg. E remedi ta traha dentro di algun ora caba.

Como 53 homber a participa boluntariamente na e estudio aki. Nan no tabata na altura si nan lo haya e remedi aki inyecta. E tratamento cu Degarelix ta mitiga dos factor di riesgo de abuso: E deseo fuerte di sex y e atraccion sexual pa mucha. E efectonan tabata den dos siman visibel.

Segun e scientificonan hopi di e hombernan aki a informa cu nan ta sintiendo un pas mental, cu e pensamento sexual no ta domina nan mas y tambe e deseo y interes pa haci sex cu mucha a kita. Mayoria di e hombernan kier sigui cu e tratamento aki despues cu e periodo di estudio caba. Kiko lo ta e efectonan riba un termino largo no ta conoci ainda.

E ta hopi importante pa motibo cu mas o menos un riba cada 10 mucha muher y un riba cada 20 mucha homber ta wordo sexualmente abusa pa hombernan adulto.

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio