80
Rotonde Cumana – Diabierna merdia pa mas o menos 12:45 patruta di Playa ta topa ariba Rotonde di Cumana un auto completamente na candela. Mesora nan ta pidi pa manda Brandweer.
Den algun minuut despues Brandweer tawata ariba Watty Vos Boulevard bayendo direccion Rotonde di Codemsa.
Mientrastanto Polis a cuminsa desvia e trafico pa asina no pasa unda e auto tawata.
Brandweer a yega y ta topa cu un Chevrolet Blazer completamente na candela, e chauffeur tawata un banda para ta mira e auto kima.
Kiko por a causa e candela no ta conoci.
Despues cu Brandweer a domina e candela completamente, polis a mantene e parti unda e auto ta cera wardando Takelwagen pa bay cu e auto.