122
L.G.Smith Boulevard – Diahuebs anochi durante cu TDQ a cuminsa patruya ta bin topa cu un Kia Sportage color cora cu a bolter.
Esaki tawata altura di Tres Trapi cerca di Boca Catalina.
Agentenan cu a yega y mirando e daño di e vehiculo mesora a pidi pa un ambulance y cu urgencia.
Pero, danki Dios e dama tawata ok.
Velocidad halto a hunga un rol primordial den e caso aki. Durante cu e la perde control e la ranca un palo di luz y tambe causa daño na un cura di cas.
Na yegada di Paramediconan nan a bay atende cu e dama cu a cana subi e ambulance.
Kiko tawata e motibo cu e dama tawata coriendo cu velocidad halto e momento eynan no ta conoci.