74
Oranjestad – Gobierno di Aruba ta trahando duro pa por brinda alivio den e temporada di crisis di COVID19. Dia 29 di april un total di 2733 negoshi chikito y mediano a ricibi un suma di 4000 florin riba nan cuenta como sosten financiero pa e promer kwartal di aña 2020. E pago a bay automatico via SVB y tur negoshi a haya un email como prueba di e pago haci. E sosten financiero aki no ta un fianza y no mester wordo paga bek. Ainda tin algun negoshi cu ta wordo evalua si nan tambe por bin na remarca pa e sosten financiero aki. Pronto nan lo wordo notifica. Den caso cu un compania registra na SVB no a ricibi e pago di Sosten Financiero, por comunica cu SVB via 5272700 of [email protected].