269
Relashoná ku e kaso di asesinato ku a tuma lugá dia 27 sèptèmber 2016 na Erosweg kaminda ku e hòmber Werner Mingeli a pèrdè su bida,
riba òrdu di Fiskal di Ministerio Públiko, polis ta pidi búskeda di e hòmber sospechoso:
Julio Alberto Guerrero (alias Kuchi) nasé na Kòrsou, 24 febrüari 1987 i bibá na Seru Fortunaweg 182.
Partikularidat: e sospechoso tin tatuahe na ámbos brasa parti ariba i na su man drechi parti abou i na su palma di man drechi.
Ta hasi un súplika na komunidat pa koperá ku informashon ku por yuda na detenshon di e hòmber sospechoso ariba menshoná i asina solushoná e kaso aki.
