E perdida den oranan na trabou pa motibo di e coronavirus significa cu 1.6 biyon trahador den e sector informal por perde nan entrada. Esaki ta informacion publica diaranson pa e institucion mas importante na mundo pa locual ta regarda labor.
International Labor Organization (ILO) a splica cu 1.6 biyon, mitar di tur hendenan trahador na mundo, ta na riesgo di perde nan pan. E declaracion haci pa ILO ta uno doloroso momento cu analisa e consequencianan economico y social pa famianan cu no tin entrada financiero.
E declaracion a bati alarma rond mundo pa locual ta e efectonan devastador di coronavirus. Director di ILO, Guy Ryder, a splica cu “pa miyones di trahador, niun entrada kermen no tin cuminda, no tin siguridad y no tin futuro. Miyones di negoshi rond mundo dibayna ta halando rosea”.
Ryder, e director di e agencia mas bieu di Nacionan Uni a continua na bisa “nan no tin savings o acceso na credito. Si nos no yudanan nan lo simplemente muri.” E economia informal ta conta trabounan cu no ta cobra belasting o wordo controla pa gobierno. Esaki ta un seccion grandi di trabounan den economia di paisnan cu ainda ta desaroyando.
2/3 parti di trahadornan na mundo ta emplea den trabounan ‘zwart’. ILO a conta cu trahadornan den e sector informal a perde casi 60% di nan entrada e prome luna. Esnan na paisnan Africano, Latino y Mericano a perde 81% di nan entrada.
E hendenan aki tawata mas na riesgo pa perde nan entrada pa motibo cu mayoria tawata emplea den trabounan di alto riesgo (benta o cuminda) pa wordo afecta pa e virus. ILO ta premira un bahada di 10.5% di oranan laboral global den e siguiente 3 lunanan di 2020.
Esaki ta ekivalente na 305 miyon trabounan full time di 48 ora semanal. Director di ILO a bisa ta urgente pa proteha esnan mas vulnerabel den e crisis, sin ayudo nan lo muri. E bienestar di miyones di hendenan ta na peliger.