Catiri – Diamars anochi pa mas o menos 9:20 polisnan a wordo manda pa e bocht conoci na Catiri, unda un accidente cu hende herida lo a sosode.
Informacion adicional tawata cu lo ta trata di un caso di hit&run.
Polisnan cu a yega na e sitio a compronde for di testigonan cu esun cu a ocasiona e accidente probablemente ta un Glanza color blanco.
Despues di e haci esaki e Glanza a bandona e sitio y tuma direccion nort.
Mientras un persona cu ta e chauffeur a keda herida den e auto, cu a bay termina den un pida mondi pariba di caminda cerca di e baranca pinta blanco.
Polis a cera e parti panort di e caminda, pa asina personal di Ambulance por traha confortabelmente.
E chauffeur di e auto accidenta a wordo transporta pa Hospital, na prome instante e lo no tawata mustra serio, pero a resulta cu e chauffeur a ricibi basta golpi na su cabes.
Na final a pidi pa Takelwagen, debi cu nan lo hiba tanto e auto cu a baya pega den mondi y no mucho leu di e sitio a haya e Glanza na un cas.
Ambos auto lo wordo hiba warda pa mas investigacion.
