Madiki: Dialuna algo despues di 9’or y mey di anochi, alarma a wordo bati pa habitantenan di Madiki, na momento cu nan mira un candela den e speeltuin.
Mesora a manda brandweer y polis na e sitio, mesora a cuminsa combati e candela, nan a logra domin’e hopi lihe. Brandweer a puntra esnan eybanda si nan por a mira ken a cende, pero e contesta tabata di spera cu niun hende a mira ken a cende e candela.
Desde cu Toque de queda a wordo introduci na Aruba, casi tur anochi algun persona ta cende candela den nan bario of riba caminda. Algun persona cu no por comporta nan mes, nan no tin control riba nan emocionnan, y ta pasa expresando nan mes na un forma hopi primitivo door di cende candela sin motibo.
Aparentemente e personanan aki no por tin e inteligencai pa pensa cu e candela no ta solamente haci daño na nos medio ambiente, pero e candela aki ta un acto di cobardia, perhudicando e muchanan den e bario cu ta gusta pasa tempo un rato hungando den e speeltuin.
