Dialuna: Directora di Fundacion Pa Nos Comunidad (FPNC), Gianaika van der Biezen a splica cu FPNC a entrega 585 pakete na famianan
cu ta registra cerca nan cu tin e necesidad, especialmente den e temporada aki, desde cu e crisis di corona a cuminsa e cantidad di pakete di cuminda cu nan tabata duna a redobla. Prome cu Covid-19 e fundacion tabata parti entre 200 cu 250 mas o menos pa un luna y awo e la aumenta mas cu dobbel.
Dialuna dia di Rey, e fundacion a dicidi di parti un pakete extra pa 585 famia. E paketenan aki a bin di Superfood, cu tabata tin nan prepara pa e scolnan cu lo tabata tin Koninkrijkspelen, pero naturalmente esaki no a bay door y Superfood a ofrece FPNC e paketenan si lo por haci bon uso di nan, mas cu claro cu FPNC por haci bon uso di nan y a partinan pa esnan cu tin mas necesidad riba nos isla.
E fundacion ta habri y ta traha cu diferente instancianan na Aruba por ehempel, Directie Sociale Zaken, FCCA etc. Tur hende por meld aan unda tin e ayudo of necesidad, hunto cu trahadornan social nan ta registra esnan cu ta den necesidad, depende di cada un nan situacion. E fundacion ta traha cu diferente sorto di situacion. Pa esnan cu actualmente a perde trabou y a registra cerca e fundacion ta haya un Covid pakket. Pa cliente nan regular, nan ta haya un pakete di un luna, pero FPNC ta ofrece tambe un hulp pakket, tur ta depende e situacion y necesidad di e personanan.
FPNC ta trahando caba riba un plan pa si e cantidad di registracion mester aumenta, e fundacion a sinta caba na mesa cu e dunadornan. Tambe nan ta buscando e forma con pa con pa haya e fondonan necesario, mirando cu e peticion pa pakketenan ta creciendo. Pa por yuda tur hende y haci esaki posibel FPNC tin un plan caba, cu nan ta trahando riba dje y pronto lo saca lo haci esaki publico.
E fundacion ta yama danki na primeramente Superfood cu a haci e entrega di e pakketenan, pero den background tambe tin hopi hende pa gradici, no solamente esnan cu a yuda cu cuminda, pero tambe esnan cu a yuda e fundacion cu cooler, freezer. Tambe New York Laundry cu tin algun tempo caba ta yudando e fundacion cu entrega di pakket na esnan cu no por bin buske. E boluntarionan cu ta trahando dia y nochi, oranan largo improvisando pa asina trata na yuda mas hende posibel. Ningun hende no a premira cu esaki ta bay pasa.
E ayuda riba dia di rey tabata un ayudo extra, e covid pakket ta destina pa dos luna, dependiendo con e situacion sigui desaroya.
SI kier haci un donacion of kier informa di un famia den necesidad, por tuma contacto cu FPNC, via facebook of via telefon:5880002
