Home » Dama motociclista a ricibi golpi serio na cabes despues di a dal contra auto

Dama motociclista a ricibi golpi serio na cabes despues di a dal contra auto

by Admin
0 comment 77 views
Piedra Plat – Diamars atardi pa mas o menos 5:20 tanto patruya di Santa Cruz y di trafico ta wordo manda cu urgencia altura di Mega Stone Food Mart na Piedra Plat.

E motibo tawata un accidente serio entra brommer cu auto.

Na yegada di polis nan a pidi pa un ambulance pura, door cu e motociclista cu ta un dama a ricibi un golpi hopi serio na su frenta banda drechi.

Y esaki a hala capta atencion mesora di e agente policial.

E brommer cu e dama tawata ariba ta un Hayabusa color blanco y roos, e auto cu lo a bay bira pa drenta e caya ta un Nissan Tiida color shinishi.

Na e sitio por a scucha e chauffeur cu tambe ta un dama bisa cu e la pone señal y despues bira, esaki e la bisa e agente policial di trafico. E daño material ariba e Nissan tawata na banda di e chauffeur dilanti. Pues aki ta unda cu Departamento di Trafico lo mester haci su investigacion.

Mientrastanto banda pazuid ariba caminda grandi, Paramediconan tawata prepara e motociclista pa e wordo hiba Hospital. E dama tawata papia ora algun persona cu conoce tawata na e sitio.

 

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio