Parke Arikok – Diadomingo atardi por a scucha hopi alarma den area di Santa Cruz direccion Parke Arikok.
E motibo tawata cu algun persona lo a hayanan cu problema den lama na Conchi.
Segun informacion cu nos a ricibi, algun persona lo a yega Conchi, unda un dama a drenta lama pa landa. Pero lamentabelmente algo a bay robes na momento cu un ola fuerte a dal e mande abou.
Un otro dama cu ta famia a trata di yude door di drenta lama, pero tambe ta haye den problema, debi na e stroom fuerte di lama.
Un di e damanan a bay dal contra e baranca y a keda herida.
E tata di un di e damanan mesora a drenta den lama pa yuda e dos damanan, e la logra yuda ambos y asina evitanto lo peor.
E caso aki a sosode algo pasa di 5’or di atardi y ta te den oranan di anochi nan a logra yega cu e personanan herida na entrada di Parke Arikok, caminda ambulance tabata wardando riba nan.
Un di e dama tawata tin mester di asistencia medico y a wordo hiba Hospital, despues di un control na Spoed Eisende Hulp e por a bay cas.
Pues un final bon pa tur esnan envolvi, despues di un spanto cu nan lo keda corda pa un tempo basta largo.
