Home » Brazil: Coronavirus a hinka varios cuidad den estado di calamidad; no tin caminda pa warda curpa

Brazil: Coronavirus a hinka varios cuidad den estado di calamidad; no tin caminda pa warda curpa

by Admin
0 comment 57 views

Manaus, Brazil – Manaus, ta un di e cuidadnan Brasilero mas afecta pa COVID-19. E gobernador di e cuidad, Virgilio Neto, ta considera e situacion di e extremo di un calamidad. “E ta manera un pelicula di horor”, e gobernador ta bisa referiendo na e hecho cu no tin caminda pa warda curpa di esnan cu a fayece di coronavirus.

Mientras cu e Presidente Bolsonaro ta yama COVID-19 un simpel griep, curpanan mester wordo warda den truck cu freezer. E cantidad di mortonan a subi di locual tawata un 20 pa 30 persona pa dia, pa mas cu 100 persona muriendo diariamente pa motibo di e pandemia.

E pandemia e yega tambe e miembronan di e comunidad mas vulnerabel di e Amazonas, esnan indigena. E gobernador di Manaus ta
informa cu curpanan ta keda acumula, truck y bulldozer mester coba grafnan masal pa por dera e mortonan.

E cuidad di Manaus tin e mortalidad mas halto di henter e pais. Ta sospecha tambe cu e cantidad di morto di COVID-19 ta mas halto cu locual tin registra. Hendenan lo ta muriendo na cas sin ricibi cuido medico.

Aerial view of coffins being buried at an area where new graves have been dug at the Parque Taruma cemetery, during the COVID-19 coronavirus pandemic in Manaus, Amazonas state, Brazil (Photo by MICHAEL DANTAS/AFP via Getty Images)

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio