179
Monserrat: Diahuebs algo despues di 8’or di anochi, varios patruya di Noord a wordo manda cu urgencia dilanti di un cas na Monserrat pa un supuesto bringamento, aparentemente nan lo tabata agrediendo un dama.
Na yegada nan a bin topa cu un Nissan Tiida cu tres homber y un dama den e auto. Mesora e polisnan a bay atende cu e personanan den e auto, y hopi lihe a bin compronde cu tabata trata di un problema di pareha. Mesora polis a hala e dama y un di e hombernan for di otro.
Un di e homber lo a bira agresivo cu polis. E agente policial despues di a skwal’e, a cor’e for di e sitio, e homber cana bay for di e sitio. E otro hombernan a bandona e sitio den e auto. Polis a pone ordo y despues cu e situacion a calma nan a sigui cu nan patruya.
