Home International Merca: Hoben tira mata pa su padrastro despues di a nenga di...

Merca: Hoben tira mata pa su padrastro despues di a nenga di keda cas durante TDQ

SHARE

Atlanta, Merca – Un pleito cu a cuminsa pa motibo di un medida pa ‘stay at home’ a caba na morto di un mucha homber. Polis di e cuidad di Atlanta a splica cu diaranson 8or di anochi nan a bay atende cu un caso unda un persona a wordo tira.

Momento cu e agentenan policial a yega nan a topa cu De’onte Roberts di 16 aña. E hoben tawata grabemente herida. Su padrastro Bernie Hargrove di 42 aña a tira e mucha homber den pecho. Roberts a wordo hiba Grady Memorial Hospital unda cu e a fayece.

Segun informacion divulga for di Cuerpo Policial di Atlanta, problema a cuminsa mas trempan ora e hoben tawata nenga pa keda cas. Su mayornan tawata pidie pa keda y sigui e reglanan di shelter-in-place. Roberts a sali di cas toch, momento cu e a yega bek e hoben a scop e porta di cas.

E mama a conta cu ta aki cos a bay completamente for di man y un pelea a cuminsa entre Roberts y su padrastro. Durante e problema aki e hoben a ricibi tiro. Hargrove a keda deteni pa e acto cruel aki y ta enfrentando cargonan di asesinato.

Bernie Hargrove